دى قصيدة اسمها (مفيش حاجة) هى طويلة شوية بس روشة طحن لازم تقروها وتكملوها للاخر بس تييك كيير يااخوانا انا ماقولتش حاجة.............القصيدة دى للشاعرة ( ايمان بكرى) بس عجبتنى
مفيش حاجة
مانيش عايز خلاص حاجة ولا محتاج انا لحاجة ولو عايز صحيح حاجة مخليتوليش ولا حاجة
عموماً بصوا فيه حاجة ...... هقولها بس محتاج لعقول تفهم..
ولو حاجة مهيش مفهومة او حاجة ....نفسرها بكام حاجة
..
نوضحها بكام حاجة وأهى حاجة مع حاجة هتظهر وتبان لنا حاجة
نوضحها بكام حاجة وأهى حاجة مع حاجة هتظهر وتبان لنا حاجة
وانا ما بخفش من حاجة مانيش مسنودولا حاجة
لكن ما بخفش من حاجة لكن فرضاً لو هقول حاجة هيحصل
إيه ... ولا حاجة
هيعملوا إية.... ولا حاجة ولو بعد الشر
.. بعد الشر
لو واحد من القاعدين من السامعين من الضالين فِهِم
حاجة هَيعملوا إيه ؟؟؟؟
اكيد برضُه ولا حاجة ....فنتوكل على الستار لوجه الله نقول حاجة فيه
ناس بتعيش علشان حاجة وناس بتموت علشان حاجة وناس
بتموت على الحاجة
وناس تديلك الحاجه وهى ليها محتاجه وناس تديلك الحاجه و تاخد قصادها ميت حاجه
وناس تكبر تكون حاجه و ناس تصغر علشان حاجه
وناس منظر ومش حاجة وتلقاه كبير حرس ونفير عليه
منظر... وهو جبان وشيخ منصر ولا يبـنش عليه حاجة
كلامى يا خلق فيه حاجة ... لحد دلوقتى فيه حاجه؟
كلام عادى وبسيط جداً .. ولا فِهشِ ولا حاجة
ما انا ما أقدرش أقول حاجه صحيح نفسى أقول حاجه
وميت حاجه لكن مش قادر اقول حاجة
لأنى لو هقول حاجه ..هييجى ناس بتوع حاجه وياخدونى ورا الحاجة
وهو لو سمع حاجه هيعملوهالى ميت حاجه
عموما ... بصو لو حد من القاعدين عايزنى أبلغه بحاجة
يقول مايخفش من حاجة
نعم ...... فيه إيه؟ ...لالالالالأ مافيش سرقه ولا تهليب
ولا تهريب ولا حاجة
وبتقول إيه...مصمصوا إيه.... وخصخصوا إيه....ده
كله كلام مفيش حاجه
... قضية إيه ... ياشيخ روح خلاص
مفيش حاجه
حرامى إيه ... ولَكّح إيه ... وهرّب إيه؟ شــفـافـيـه
مافيش حاجة
وبتقول إيه ... لالالآلأ عـــيب لافيه تدليس ولاترقيص ولا
تدبيس ولا حاجه
سمع مع هووووس انا حاسس انه فيه حاجة دقيقة سكات
لَتبقى حداد انا حاسس انه فيه حاجه
.
زمنكوا ياخلق فيه حاجه ولازموا كام وميت حاجه ده لو
زمنكوا ياخلق فيه حاجه ولازموا كام وميت حاجه ده لو
يعنى إذا كان فيه حاجة
انا عن نفسى مش حاسس ولا بحاجة ولا متضايق ولا حاجة
سعادتك برضه مش زَيـىِ مافيش حاجة ؟ ..... أهـه
بيقول مافيش حاجة
جنابك برضه مش زَيـىِ وعلشان زَيـىِ مافيش حاجة .. أهـه بيضحك بيقول مافيش حاجة
ما أنا قولتلكو من الأول مافيش حاجة
عليا النعمه يا
اخوانّا مافيه حاجة ورحمة ابويا ويّا أبوك على إللّى جابوك ما فيه حاجه
وعهد الله . وعهد الله. وعهد الله ما خللولنا ولا حاجه
بقولك إيه خـــلاص خلّص وفركش يا اخوانا
ايمان البكرى
16 comments:
انا عايز اقول حاجة بس نسيتها من كتر الحاجات اللي في القصيدة..ان هي مش محتاجة تفسر حاجة لان كل حاجة مش محتاجة تفسير..ايه ده انا اتعديت ولا ايه هي القصيدة ديه عاملة كدا ليه انا واجهت صعوبة على ما فهمت كل حاجة بس بجد لذيذة جدا لدرجة خلتني مش فاهم حاجة..المهم اهنيكوا على المدونة اللي اكيد هتكون جميلة جدا باصحابها و مواضيعهم اللي هنستناها دايما..بس ليا سؤال في الاخر تقصدوا مين بعالم الهيبل(: ؟؟؟
سلام
هاى جهاد ودينا
انا حاقولك حاجة ان احلى حاجة فى الموقع هى قصيدة حاجة وان كنتى انتى عايزة حاجة انا مش عايز حاجة وكفااية بقى علشان انا زهقت.....
على فكرة والله قصيدة جميلة جدا فى موقع ذوق وجميل جدا زى الى عاملينة ويارب تكملوا وللاحسن قدام ان شاء الله
amro g
معاكم كيتى رجعتلكم تانى يارب اكون خفيفة عليكم :o)
ازيك يا شريف؟
شكرا على كلامك الجميل ويارب تكون القصيدة عجبتكم هى كلامها لذيذ وبيتفهم بصعوبة شوية بس فى معانى من ورا الكلام بتاع القصيدة ...........وبجد نورت الموقع ونورتنا ومهما كانت مدونتنا حلوة مش هتيجى جنب مدونتك حاجة لان فعلا مواضيعك جميلة
انت سالت سؤال وجية عالم الهيبل دة عالم كيتى وبيتى عايشين فية لان العقل فى الزمن دة يودى فى داهية ولو فكرت بعقلك فعلا هتتجنن
عالم الهيبل دة عالم من خيالنا عايشين فية انا وبيتى احنا اللى عملناة بايدينا بنحاول نحقق فية احلامنا وخيالنا اللى صعب نحققة فى الواقع
عالم من غير ظلم ولا استغلال ولا قسوة ولا تعذيب ولا قيودولا ..............حاجات كتير
عالم فى سلام وخير وحب وصفاء واطفال ومرح وسعادة وطيور وزهور وطيبة وحسن نيةوفاؤل وامل و......... وكل حاجة نتخيلها فى الدنيا صعب نلاقيها فى الحقيقة انا وبيتى بنعيشها فى عالمنا بس بالنسبة لغيرنا بيعتبروة عالم الهيبل وبالنسبة ليا انا وبيتى عالمنا دة عالم الهيبل احلى عالم واجدع ناس :o)
معلش طولت عليك بس بجد حبيت اجاوب على سؤالك واختصرت المقصود من عالم الهيبل على اد مااقدر
ماتنساس تنورنا تانى بزيارتك الجميلة وتعليقك الاجمل
كيتى:o)
اهلاااااااااا عمرو باشا :)
بجد الموقع بتعليقك اختلف كتير وشكرا على الكلام الكبير دة فى موقعنا والقصيدة.....احنا كدة هنتغر ;o)
وان شاء الله يبقى احسن واحسن ويعجبكم ومنخيبش املكم فينا
اكيد تشرفنا تانى دة موقعك يعنى مش محتاج عزومة فية :o)
سلام
كيتى
تعرفي ان علشان السبب ده انا سميت المدونة انا افكر اذن انا مجنون لان اللي بيفكر في حاجات كتير في الدنيا ديه يا اما في نظر الناس مجنون يا اما هو اصلا مجنون لكن منقدرش نبطل تفكير..و اذا كان العالم اللي انتوا عايزين تعشوه في نظر الناس عالم الهيبل فهو في نظري انا عالم مثالي طالما حلمت بأن اكون فرد فيه لكن للأسف يبدو ان العالم ده ملوش وجود لان مش هنلاقي الحاجات الجميلة اللي انتي ذكرتيها في الدنيا لان لازم منلقيهاش علشان نشتاق للي بعد الدنيا ديه..لكن هيفضل عالم الهيبل احلى عالم لاحلى ناس..سلام
حلوة جداااا الحاجه دى
شىء ممتع انك تعيش فى حاجه خاصه بيك انت وبسسسسس
عالم تتخيله وتعيشه بس المهم ماتخرجش منه على طول للواقع احسن تاخد برد واللا ضربة شمس من كتر الحاجااااات اللى فيه
وانا بصفتى من مشجعى بناء الحاجات دى يسعدنى ويشرفنى انى اضم بلاعتى المتواضعه الى عالمكم الاهبل الجديد
ولو عزتو اى حاجه انا تحت امركو
وحاجه على حاجه... مش هنخللى حاجه محتاجه
(:والسلام عليكم
ورجعتلكم تانى :)
كلامك صح يا شريف ومية مية وشكرا على التعليق الذوق دة ......ياريت ماتبقاش اخر مرة تدخل موقعنا المتواضع وتنورنا دايما :o)
:):):):):):):)
احلى سورسارة :o)
عارفة احلى حاجة فيكى اية ؟؟ بتحلى اى شئ عنيكى تيجى فية؟؟؟؟ D;
فعلا لما الواحد بيطلع من عالمة علطول على ارض الواقع مش بياخد برد دة بيجيلة نازلة شعبية لانة بيتصدم بالواقع
فكرتك مية مية احنا لينا الشرف لما نضم موقعك الروش وعالمك الخاص بعالمنا الاروش ونعمل موقع كابيل وبكدة نغطى كل الحاجات ومانسيبش حاجة غير مانعملها حاجة .
السلام ختام
كيتى :O)
السلام عليكم ازيكوا يا شباب
وبجد بجد الكلام جميل وبجد لايق عليكم جدا (عالم الهبل) :))-
السلام عليكم ازيكوا يا شباب
وبجد بجد الكلام جميل وبجد لايق عليكم جدا (عالم الهبل) :))-
اساااااامة
احنا الحمد لله تمام شكرا على تعليقك بس جة متاخر وانت واخد لقب اول من علق فى عالمنا..... فى الموضوع دة تقريبا انت اخر واحد بس مش مشكلة علشان انت معلق دابل :D بس دى اخر مرة دايما تبقى اول من يعلق...... مستنيين تعليقاتك
سلام
كيتى
اساااااامة
احنا الحمد لله تمام شكرا على تعليقك بس جة متاخر وانت واخد لقب اول من علق فى عالمنا..... فى الموضوع دة تقريبا انت اخر واحد بس مش مشكلة علشان انت معلق دابل
:D بس دى اخر مرة دايما تبقى اول من يعلق...... مستنيين تعليقاتك
سلام
كيتى
اكتبوا جديد و ان شاء الله هتلقيني اول من يعلق متتاخروش علينا
فعلا اعلق واجري لازم اعلق واجري هو لازم النظرية بتاعت تكبييييييييير الخط الي ما نهايه دي سبحان الله انا بقي قريت القصيده دي قبل كدا وشفتها كمان و شفت بتاعت بحبك يا حمار كمان بس بتاعت ايمان ههههههه
أسامه
فينك؟ كتبنا بوست جديد وماعلقتش اول واحد زى ماقولت :)
---------------
كوبا
(تجرى ليه بس) لا علق وماتجريش تعالى تانى :)
مشكله الخط هنصغره شويه...انا سمعت عن قصيده بحبك ياحمار بس ماقريتهاش بس هقراها بأذن الله
كل دي حاجات
هو في ايه بقي
Post a Comment